Дэжон хотын аялал жуулчлалын корпораци нь Монгол улсын УБЦТС ТӨХК-ийн(UBEDN: Ulaanbaatar Electricity Distribution Network) ажилчдын эрүүл мэндийн аялал жуулчлалын аялалыг 4 болон 5-р сард 2 удаа амжилттай зохион байгууллаа.

Энэхүү аялал нь Дэжон хотын Со-гу дүүргийн Barun mind эмнэлэгт эрүүл мэндийн үзлэгээр эхлээд Солонгосын цахилгаан эрчим хүчний корпорацын Дэжон-Сэжон-Чуннам дахь төв байр болон Цахилгаан эрчим хүчний судалгааны хүрээлэнтэй танилцах, Ханбат модны цэцэрлэгт хүрээлэн, Ханбит цамхагтай танилцах, Экспо аквариумд танилцах, Дэжон хотын дэлгүүр хэсэх зэрэг төрөл бүрийн хөтөлбөр багтсан бөгөөд Дэжоны эмчилгээ үйлчилгээ, эрүүл мэндийн аялал жуулчлалын давуу талыг мэдрэх цаг тохиосон юм.

Нэг оролцогч “Монгол Улстай харьцуулахад хамгийн дэвшилтэт эмнэлгийн тоног төхөөрөмжөөр үнэн зөв үзлэгт хамрагдаж, түргэн шуурхай үзлэгийн үр дүнд үндэслэн эмийн жор бичиж, зөвлөгөө авах боломжтой байсанд маш их сэтгэл хангалуун байсан” гэж хэллээ. Өөр нэг оролцогч нь “Дэжон бол эрүүл мэндийн технологи, эрүүл мэндийн аялал жуулчлал, худалдааны аялал жуулчлал гээд бүхий л зүйлийг агуулсан хот гэдгийг мэдэрлээ” гэж аялалд сэтгэл хангалуун байгаагаа илэрхийлэв.

Энэхүү аялал нь Дэжон хотын эрүүл мэндийн дэд бүтцийг боломжит Монголын эрүүл мэндийн жуулчдад сурталчлах чухал боломж болсон бөгөөд үүнд үндэслэн Дэжон хотын аялал жуулчлалын корпораци нь Монголд чиглэсэн сурталчилгааны маркетингаа хийж, Монголын эрүүл мэндийн жуулчдыг татахын тулд эрүүл мэндийн аялал жуулчлалын тусгай хөтөлбөр боловсруулахаар төлөвлөж байна.